यात्रु ठग्ने काठमाडौंका २५ ट्याक्सी चालकमाथि कारबाही

नियमअनुसार चल्न नमान्ने २५ वटा ट्याक्सी चालकलाई ट्राफिक प्रहरीले कारबाही गरेको छ। मंगलबार एकैदिन काठमाडौंमा २५ ट्याक्सीमाथि कारबाही गरिएको हो।

यात्रुसँग बढी भाडा लिने, मिटरमा जान नमान्ने, ट्याक्सीको मिटर बिगार्ने र बिग्रेको मिटरसमेत समयमा नबनाउने २५ जना ट्याक्सी चालक कारबाहीमा परेका महानगरीय ट्राफिक प्रहरी महाशाखाले जनाएको छ।

पछिल्लो समय ट्याक्सीले यात्रु ठगेको गुनासो बढेपछि अनुगमन र कारबाही तीव्र पारिएको ट्राफिक प्रहरीले जनाएको छ।