युनिकोड
भारतीय सेनामा कार्यरत एक नेपाली युवाको जम्बु- कश्मीरमा भएको भिडन्तमा मृत्यु भएको छ।
दाङको तुलसीपुर- ९ बेलुवा घर भएका ३० वर्षीय प्रेमबहादुर खत्रीको पाकिस्तानी पक्षले चलाएको गोली लागेर मृत्यु भएको भारतको रक्षा मन्त्रालयले जनाएको छ। उनी भारतीय सेनाको नायक पदमा कार्यरत थिए।
पाकिस्तानी सीमा नजिकै जम्बु- कश्मीरमा शुक्रबार भएको भिडन्तमा भारतीय सेनामा कार्यरत दुई जनाको ज्यान गएको भारतीय सञ्चार माध्यमले जनाएका छन्। भिडन्तमा नेपाली युवक खत्रीसँगै भारतीय सैनिक जवान सुखवीर सिंहको पनि मृत्यु भएको छ।
१३ वर्षदेखि भारतीय सेनामा कार्यरत प्रेमबहादुरका आमाबुवा, पत्नी र दुई छोराछोरी छन्। प्रेमबहादुरको शव लिन उनका बुवा लालबहादुर शुक्रबारै लखनउतर्फ लागेका छन्।
प्रतिक्रिया