खुकुरी प्रहार गरी श्रीमानको हत्या

दोलखामा श्रीमतीको खुकुरी प्रहारबाट एक पुरुषको ज्यान गएको छ।

शैलुङ गाउँपालिका ८ मानागाउँका ५२ वर्षीय हस्तनारायण श्रेष्ठको सोमबार राति श्रीमतीसँगको झगडामा ज्यान गएको हो।

४७ वर्षीय दुर्गामाया श्रेष्ठले कुखुरी प्रहार गरी हस्तनारायणको हत्या गरेको प्रहरीले जनाएको छ। घरायसी बिवादका क्रममा दुर्गामायाले खुकुरी प्रहार गर्दा उनको घटनास्थलमै ज्यान गएको हो।

प्रहरी चौकी भैंसेबाट खटिएको प्रहरीले एउटा खुकुरी र एउटा कोदालोसहित दुर्गामायालाई पक्राउ गरेको छ।