नेपालमा एकैदिन १५ सय ७३ कोरोना संक्रमित थपिए, ८८५ निको भए

नेपालमा पछिल्लो २४ घण्टामा थप १ हजार ५७३जनामा कोरोना भाइरसको संक्रमण पुष्टि भएको छ।

आइतबार स्वास्थ्य तथा जनसंख्या मन्त्रालयको नियमित प्रेस ब्रिफिङमा मन्त्रालयका प्रवक्ता प्राडा जागेश्वर गौतमले देशभरमा  थप १ हजार ५७३ जनामा कोरोना संक्रमण पुष्टि भएको बताए।

नयाँ थपिएकासँगै नेपालमा संक्रमितको संख्या ७३ हजार ३ सय ९४ पुगेको छ  भने आज देशमा संक्रिय संक्रमितको संख्या १९ हजार १९ रहेको छ। पछिल्लो २४ घण्टामा १० हजार १ सय २३ पीसीआर परीक्षण भएका छन् ।

संस्थागत आइसोलेनमा ८ हजार ३२१ रहेका छन्।

पछिल्लाे २४ घण्टामा थप ८८५ जना निको भएर डिस्चार्ज भएका छन्। याेसँगै  निकाे हुनेकाे संख्या ५३ हजार ८ ९८ पुगेकाे छ।