भियतनाममा शक्तिशाली आँधी, तीनको मृत्यु, एक सयभन्दा बढी घाइते

भियतनामका केही मध्य क्षेत्रीय प्रान्तहरुमा यो आँधी आएको छ। नोउल नामको सो आँधीका कारण भौतिक संरचनाहर पनि भत्किएका छन्।

यस आँधीमा परेर ११२ जना नागरिक घाइते भएका छन्। सो कुराको जानकारी भियतनामको राष्ट्रिय प्राकृतिक प्रकोप व्यवस्थापन केन्द्रले दिएको छ।

भियतनामको मध्य प्रान्त थुवा हेन हाउमा तीन जनाको ज्यान गएको बताइएको छ। सो प्रान्तमा ५० भन्दा बढी नागरिक घाइते भएका छन् ।

त्यस प्रान्तका १० घर भत्किएका छन्। त्यस्तै यहाँका २६ हजार भन्दा बढी नागरिक नराम्रोसँग प्रभावित भएका छन्।

यसै वर्षको जनवरीमा पनि त्यहाँ ठूलो आँधी आएको थियो। त्यसमा परी करिब ७८ जनाको ज्यान गएको थियो भने हजारौँ नागरिक घरबारविहीन भएका थिए। रासस/सिन्ह्वा