युनिकोड
परराष्ट्र मन्त्री प्रदिप ज्ञवालीले मरणोपरान्त आफ्नो अंगदान गर्ने घोषणा गरेका छन्। शहिद धर्मभक्त राष्ट्रिय प्रत्यारोपण केन्द्रमा बिहीबार आयोजित कार्यक्रममा उनले शरीरका ६ वटा अंगदान दिन मञ्जुरीनामा गरेका हुन्।
मन्त्री ज्ञवालीले मृगौला, मुटु, फोक्सो, कलेजो, प्यांक्रियाज, सानो आन्द्रालाई मरणोपरान्त आवश्य भएको जुनसुकै बिरामीका लागी प्रयोग गर्नपाउने गरी मञ्जुरीनामा दिए।
सोही अवसरमा श्रीमती सरस्वती ज्ञवाली अर्यालले पनि शरीरका ६ वटा अंगदान दिने मञ्जुरीनामा गरेकी छन्। श्रीमती ज्ञवालीले पनि शरीरको मृगौला, मुटु,फोक्सो, कलेजो, प्याक्रियाज, सानो आन्द्रा मरोपरान्त आवश्यक बिरामीलाई दिन सहमति गरेकी हुन्।
जीन्दगीको भरोसा नरहेको भन्दै ज्ञवालीले जति दिन बाँचिन्छ, समाजमा थोरै भए पनि उज्यालो छर्दै बाँच्न सकियोस् र मृत्युपर्यन्त समेत कसैका लागि अलिकति भए पनि काम लाग्न सकियोस् भनेर ट्वीट गरेका छन्।
दुबै बुढाबुढीले आज शहीद धर्मभक्त राष्ट्रिय प्रत्यारोपण केन्द्र,भक्तपुरमा (मरणोपान्त) अंगदान गरेर आयौं ।जिन्दगीको त के भरोसा छ र !जति दिन बाँचिन्छ, समाजमा थोरै भए पनि उज्यालो छर्दै बाँच्न सकियोस् र मृत्युपर्यन्त समेत कसैका लागि अलिकति भए पनि काम लाग्न सकियोस्-बस् यत्ति कामना छ।
— Pradeep Gyawali (@PradeepgyawaliK) July 19, 2019
प्रतिक्रिया