दाङ पहिरो अपडेट : आमाछोरीको शव पुरिएकाे अवस्थामा भेटियाे

दाङको बंगलाचुली गाउँपालिका वडा नम्बर ५, मा पहिरोले घर भत्किँदा आमाछोरीको मृत्यु भएको छ।

दाङ जिल्ला प्रहरी कार्यालका प्रवक्ता डीएसपी सुमित खड्काले केही बेरअघि दिएको जानकारी अनुसार दुवै जना पहिराेमा पुरिएकाे अवस्था मृत फेला परेका हुन्। 

उनका अनुसार बुधबार बिहान ३ बजेतिर स्थानीय देवीराम नेपालीकाे घरमा पहिराे खसेकाे हाे। पहिरोले आधा घर भत्किँदा भित्र सुतिरहेका उनका श्रीमती २६ वर्षीया बाटुली नेपाली र २ वर्षीया छोरी आयुष्माको मृत्यु भएको हो।

‘उनीहरूको शव प्रहरीको टोलीले निकालिसकेको छ,’ उनले भने। 

यसअघि : दाङमा पहिरोले घर पुर्‍याे, आमा र बच्चा बेपत्ता