युनिकोड
अढाई महिनाअघि सोलुखुम्बुमा भएको एउटा बलात्कार घटनाका आरोपी युवक पक्राउ परेका छन्।
पक्राउ पर्नेमा नेचासल्यान गाउँपालिका २ सल्यान चौतारा बस्ने २६ वर्षीय दिनेश प्रधान (नेवार) रहेका प्रहरीले जनाएको छ।
जिल्ला प्रहरी कार्यालय सोलुखुम्बुका प्रहरी निरीक्षक लोकबहादुर दियालीका अनुसार गएको चैत १८ गते उनले गाउँकी एक युवतीलाई मध्यराति युवतीकै घरमा गएर बलात्कार गरेका थिए।
बलात्कारपछि फरार भएका उनलाई यही जेठ २७ गते सोलुदूधकुण्ड नगरपालिका ५ सल्लेरी बजारबाट पक्राउ गरिएको हो।
राति नौ बजे रक्सीले मातेर युवतीको घरमा प्रवेश गरेका युवकले मुख थुनेर डर त्रास देखाउँदै आफूलाई बलात्कार गरेका भन्दै पीडित युवतीले प्रहरीमा उजुरी गरेकी थिइन्।
पक्राउपछि अदालतबाट म्याद थप गरेर उनलाई कारबाही प्रक्रिया अघि बढाइएको प्रहरीको भनाई छ।
प्रतिक्रिया