युनिकोड
अहिले (मंगलबार बिहान ७ बजे) काठमाडौँ उपत्यकाको मौसम मुख्यतया सफा रहेको मौसमविद्ले बताएका छन्।
तर दिउँसोपछ बिस्तारै बादल बढ्ने र अपराह्न वा साँझपख हल्का वर्षा हुने सम्भावना देखिएको मौसम पूर्वानुमान महाशाखाका मौसमविद् डेभिड ढकालले जानकारी दिए।
‘अहिले काठमाडौँ उपत्यकाको मौसम मुख्यतया सफा नै छ’, उनले नेपालखबरसँग भने, ‘तर अपराह्न ४ बजेपछि साँझपख क्षणिक र हल्का वर्षा हुने सम्भावना छ।’
मौसमविद् ढकालका अनुसार आज काठमाडौँ उपत्यकाको अधिकतम तापक्रम २९ देखि ३१ डिग्रीसम्म पुग्ने आकलन छ।
हिजो सोमबार भने काठमाडौँ उपत्यकामा अधिकतम ३०.३ र न्यूनतम तापक्रम १९.८ डिग्री सेल्सियस थिए।
देशभरको मौसम र वर्षा-हिमपात सम्भावनाबारे भने मौसम महाशाखाले अहिले बिहान ८ बजे अध्यावधिक विस्तृत बुलेटिन जारी गर्नेछ।
प्रतिक्रिया