जंगलमा लुकाएर राखेको अवस्थामा फेला पर्‍यो ४ नाल बन्दुक

जिल्ला प्रहरी कार्यालय सिन्धुलीले चारनाल भरुवा बन्दुक बरामद गरेको छ। 

प्रहरी निरीक्षक विमल खतिवडाकाअनुसार फिक्कल गाउँपालिका-१ महादेव डाँडाबाट चारनाल भरुवा बन्दुक बरामद भएको हो। 

प्रहरी चौकी श्रामखोलाबाट प्रहरी निरीक्षकको कमाण्डमा खटिएको चारजनाको टोलीले  फिक्कल गाँपालिका-१ महादेब डाँडाको जंगलमा लुकाएर राखेको अवस्थामा बन्दुक बरामद भएको खतिवडाले बताए। 

घटनाका सम्बन्धमा थप अनुसन्धान चलिरहेको प्रहरीले जनाएको छ।