युनिकोड
भारतले नेपाली भूमि मिचेर सडक निर्माण गरेको क्षेत्रका दुई वटा चौकीमा नेपाल प्रहरीको टोली पनि पुगेको छ।
दुई वटा चौकीमा २१ जना प्रहरी पुगेका हुन्। १८ जना नेपाली सेनाको हेलिकोप्टरमा र ३ जना हुम्लिङबाट हिँडेरै त्यहाँ पुगेको दार्चुलाका प्रहरी प्रमुख डीएसपी पदमबहादुर बिष्टले बताए।
असईको नेतृत्वमा छांगरुको नितिकुण्ड (सितापुल सीमा नजिक) मा ९ जनाको प्रहरी चौकि शुक्रबारबाट बसेको छ्। सईको नेतृत्वमा १२ जना तिंकरमा रहनेछन्।
मौसम अनुकुल भए छांगरुबाट आइतबारसम्ममा टोली नितिकुण्ड जाने तयारीमा छ।
दार्चुला सदरमुकाम खलंगाबाट ८ पटकमा दुई सुरक्षाकर्मीको टोली र उनीहरुका लागि आवश्यक खाद्य तथा बन्दोबस्तीका सामग्री सेनाको हेलिकोप्टरमार्फत लगिएको हो।
छाङरुमा २५ जनाको सशस्त्र प्रहरीको टोली बुधबारबाटै बस्न थालेको छ।
यी दुई वटा प्रहरी चौकीका सुरक्षाकर्मी चिसो बढेसँगै फर्किने र चिसो कम भएपछि पुनः त्यो क्षेत्रमा जाने गरेका छन् ।
व्यासको छाङ्गरुको सीतापुल र तिकरको छियालेकमा बस्दै आएका प्रहरी टोली गत मंसिर र महिनामा चिसो छल्न व्यास गाउँपालिका वडा नं २ को दुम्लिङ झरेको थियो। व्यासको चीन ताक्लाकोट नजिकै रहेको छियालेक प्रहरी चौकी विसं २०२४ र छांगरुको सीतापुल प्रहरी चौकी विसं २०२७ मा स्थापना भएका हुन्।
प्रतिक्रिया