युनिकोड
लमजुङमा ट्याक्टर दुर्घटना हुँदा एक जनाको मृत्यु भएको छ। अन्य दुईजना घाइते भएका छन्।
मर्स्याङ्दी गाउँपालिका-९ पामचोकको भित्री सडकमा खुदीबाट भलामचौरतर्फ जाँदै गरेको ग.१ त ५६४६ नम्बरको ट्याक्टर दुर्घटना भएको प्रहरीले जनाएको छ।
दुर्घटनामा ट्याक्टर चालक ताप्लेजुङ घर भई मिदिम हाइड्रोपावरको ट्रान्समिसन लाइनमा कार्यरत ३३ वर्षीय सुजन राईको मृत्यु भएको हो।
दुर्घटनामा गम्भीर घाइते भएका उनको बेंसीसहरस्थित प्रदेश अस्पतालमा मृत्यु भएको जिल्ला प्रहरी कार्यालय लमजुङले जनाएको छ।
दुर्घटनामा २ जना घाइते छन्।
घाइते हुनेमा ताप्लेजुङ घर भई मिदिम हाइड्रोपावरको ट्रान्समिसन लाइनमा कार्यरत ३२ वर्षीय दीपेश लिम्बू र ताप्लेजुङकै २६ वर्षीय सुमन राई छन्। घटनाका सम्बन्धमा थप अनुसन्धान जारी रहेको प्रहरीले जनाएको छ।
प्रतिक्रिया