डब्ल्यूएचओको चेतावनीः कोरोना भाइरस कहिल्यै अन्त्य नहुन पनि सक्छ

विश्व स्वास्थ्य संगठन (डब्ल्यूएचओ) ले अहिले विश्वव्यापी महामारी बनिरहेको कोरोना भाइरस कहिल्यै अन्त्य नहुन पनि सक्ने चेतावनी दिएको छ।

डब्ल्यूएचओको आपतकालीन सवाल निर्देशक माइकल रायनले कोरोना रूप बदलेर विश्वमा सधैं रहन सक्ने सम्भावना रहेको बताएका हुन्।

‘कोरोना क्षेत्रअनुसार रूप बदलेर अर्काे भाइरस बनेर बसिरहन सक्ने देखिन्छ, कहिले समाप्त नहुन पनि सक्छ,’ जेनेभामा भएको भर्चुअल प्रेस सम्मेलनमा उनले भने।

उनले एचआईभी भाइरसको उदाहरण दिँदै अगाडि भने, ‘जसरी यो अहिलेसम्म निर्मूल हुन सकेको छैन।’

तलको लिंक खोलेर सुनाैँ डब्ल्यूएचओकाे भनाइ (अंग्रेजीमा)

Media briefing on #COVID19 with @DrTedros https://t.co/euggX435FQ

— World Health Organization (WHO) (@WHO) May 13, 2020

निर्देशक रायले यसविरुद्ध खोप नबन्दासम्म मानिसले यस रोगविरुद्ध उचित स्तरको प्रतिरोध क्षमता प्राप्त गर्न वर्षाैं लाग्ने पनि बताए।

अहिले विश्वमा कोरोनाविरुद्ध खोप बनाउने धेरै प्रयास जारी छन्। संसारमा अहिले कम्तीमा यसका लागि सय वटा खोप विकास भइरहेका छन्।

तर विश्वका वैज्ञानिक पनि के भनिरहेका छन् भने यसको खोप कहिल्यै नबन्न पनि सक्छ।