युनिकोड
खोटाङको केपिलासगढीमा एयर डाइनेस्टीको हेलिकप्टर अवतरणका क्रममा भित्तामा ठोक्किएको छ।
बुधबार दिउँसो केपिलासगढी गाउँपालिका-२ स्थित बालाबेसीमा एयर डाइनेस्टीको ‘९-एनएफक्यू’ हेलिकप्टर दुर्घटना भएको हो। पारिवारिक परियोजनका लागि चार्टर्ड गरेर ल्याइएको हेलिकप्टर अवतरण गर्ने क्रममा दुर्घटना भएको जिल्ला प्रहरी कार्यालय, खोटाङका प्रहरी नायव उपरीक्षक (डीएसपी) प्रकाश बुढाथोकीले बताए।
डीएसपी बुढाथोकीका अनुसार हेलिकप्टरमा चालकसहित ६ जना सवार थिए। दुर्घटनामा परी हेलिकप्टरमा सवार काजीबहादुर राई घाइते भएका छन्। अन्य पाँच जना सकुसल रहेका छन्।
घाइते राईलाई उपचारका लागि अर्को हेलिकप्टर मगाएर घटनास्थलबाट पठाउने तयारी भइरहेको प्रहरीले जनाएको छ।
हेलिकप्टर अवतरण गर्ने क्रममा हावाको तीव्र बेगका कारण नजिकैको भित्तामा ठोक्किएको प्रारम्भिक अनुमान रहेको डीएसपी बुढाथोकीले बताए।
प्रतिक्रिया