युनिकोड
आज (सोमबार, १८ फागुन), काठमाडौँ उपत्यकाको सुरुवाती न्यूनतम तापक्रम मापन गरिएको छ।
मौसम पूर्वानुमान महाशाखाले नेपालखबरलाई दिएको जानकारीअनुसार बिहान ५:४५ बजे काठमाडौँको न्यूनतम तापक्रम १० डिग्री सेल्सियस छ। आज नेपालमा प्रि-मनसुन लागेको दोस्रो दिन हो।
हिजो (आइतबार) उक्त समय काठमाडौँको न्यूनतम तापक्रम ९.८ डिग्री सेल्सियस थियो भने अन्तिम मापनका बेला बिहान ८:४५ बजे ९.४ डिग्री सेल्सियस कायम भएको थियो।
आजको पनि आधिकारिक न्यूनतम तापक्रम अहिले बिहान ८:४५ बजे आउँछ। त्यतिबेला काठमाडौँको न्यूनतम तापक्रम थोरै घट्ने सम्भावना हुन्छ। कहिलकाहीँ सुरुवातकै कायम रहन पनि सक्छ।
शनिबार काठमाडौँको न्यूनतम तापक्रम ९.५ डिग्री सेल्सियस थियो।
मौसम महाशाखाले हरेक दिन काठमाडौँसहित देशका विभिन्न स्थानको न्यूनतम र अधिकतम तापक्रम मापन गर्ने गर्छ।
सबैभन्दा तल झरेको तापक्रम न्यूनतम तापक्रम हो भने सबैभन्दा माथि चढेको तापक्रम अधिकतम तापक्रम हो।
न्यूनतम तापक्रम बिहान ८:४५ बजे र अधिकतम तापक्रम साँझ ५:४५ बजे मापन गरिन्छ।
मौसमविद्का अनुसार न्यूनतम तापक्रमले रातिदेखि बिहानसम्मको अवस्था जनाउँछ भने अधिकतम तापक्रमले दिनभरको अवस्था बताउँछ।
आइतबार यस्तो थियो तापक्रम सूची
प्रतिक्रिया