युनिकोड
नागार्जुनमा दुई मोटरसाइकल आपसमा ठोकिँदा एक युवकको मृत्यु भएको छ।
नागार्जुन नगरपालिका-६ फस्कू चोकमा बा.प्र.०२-०२-००३ प ६७१६ नम्बरको मोटरसाइकल र बा. प्र.०२-०५४ प ०५५७ नम्बरको मोटरसाइकल गएराति आपसमा ठोक्किएका हुन्।
दुर्घटना हुँदा बा.प्र.०२-०५४ प ०५५७ नम्बरको मोटरसाइकल चालक नागार्जुन नगरपालिका-८ भिमढुङ्गा बस्ने २५ वर्षीय भिमराज तामाङको मृत्यु भएको हो।
दुर्घटनामा गम्भीर घाइते भएका उनको मनमोहन अस्पताल स्वयम्भुमा उपचारको क्रममा मृत्यु भएको प्रहरीले जनाएको छ।
दुर्घटनापछि बा.प्र.०२-०२-००३ प ६७१६ नम्बरको मोटरसाइकल चालकलाई प्रहरीले नियन्त्रणमा लिएको छ।
प्रतिक्रिया