अटो दुर्घटना हुँदा १८ वर्षीय युवकको मृत्यु

इलाममा अटो दुर्घटना हुँदा १८ वर्षीय युवकको मृत्यु भएको छ।

देउमाई नगरपालिका–३  पानीटार चियाबारी नजिक आज बिहान अटो दुर्घटना भएको हो। 

दुर्घटनामा देउमाई नगरपालिका ५ धुसेनीका १८ वर्षीय युनिश लुइँटेलको मृत्यु भएको जिल्ला प्रहरी कार्यालय इलामका सूचना अधिकारी लक्ष्मी भण्डारीले जानकारी दिए।

गम्भीर घाइते उनको अस्पताल लैजाने क्रममा बाटाेमै मृत्यु भएको हो।