युनिकोड
जाजरकोटमा शुक्रबार बिहान बोलेरो गाडी दुर्घटना हुँदा दुई जनाको ज्यान गएको छ।
दुर्घटनामा चार जना घाइते भएका छन्।
छेडागाड नगरपालिका–८ बाहार्नाखोलास्थित सडकमा कप्र ०२–००१ च १३२७ नम्बरको बोलेरो दुर्घटना हुँदा बोलेरोमा सवार सोही नगरपालिका–९ पजारू बस्ने ७० वर्षीया नन्दकला अधिकारी र २८ वर्षीय राजु अधिकारीको घटनास्थलमै मृत्यु भएको प्रहरीले जनाएको छ।
साथै, दुर्घटनामा घाइते भएका बोलेरो चालक समेत ४ जनालाई उपचारको लागि नगर अस्पताल बडाबन जाजरकोटतर्फ पठाइएको छ।
दुर्घटनाका सम्बन्धमा प्रहरीले आवश्यक अनुसन्धान गरिरहेको छ।
प्रतिक्रिया