ज्ञानेन्द्रले आफूलाई पहिलोपटक ‘पूर्वराजा’को दर्जामा राखेर दिए दसैँको शुभकामना

पूर्वराजा ज्ञानेन्द्र शाहले पहिलोपटक आफूलाई पूर्वराजाको दर्जामा राखेर विजया दशमीको शुभकामना सन्देश जारी गरेका छन्। 

आइतबार उनीबाट जारी बडा दसैैको शुभकामना सन्देशमा ‘पूर्व श्री ५ महाराजधिराज ज्ञानेन्द्र वीर विक्रम शाहदेवबाट २०८२ विजया दशमीको उपलक्ष्यमा वक्सेको शुभकामना’  उल्लेख गरेर निर्मल निवासबाट दसैँको शुभकामना सन्देश जारी भएको हो। 

यसअघि ज्ञानेन्द्र र उनको सचिवालयले जारी गर्ने यस्ता सन्देशमा उनलाई राजतन्त्र कालमा जस्तै  ‘श्री ५ महाराजाधिराज’ लेखिएको हुन्थ्यो। 

गएको असार २९ गते उनका संवाद सचिव डा.फणिराज पाठकलले ज्ञानेन्द्र शाहलाई ‘श्री ५ महाराजाधिराज’ सम्बोधन गरेर विज्ञप्ति जारी गरेपछि प्रहरीले पक्राउ गरेको थियो।  

त्यसपछि आइन्दा पूर्वराजालाई ‘श्री ५ महाराजाधिराज’ सम्बोधन नगर्ने कागज गरेर पाठक छुटेका थिए।  

• ज्ञानेन्द्रका संवाद सचिव पक्राउ, सोधियो- संविधानले नचिनेको श्री ५ किन लेखेको?

• अबदेखि ज्ञानेन्द्र शाहलाई 'श्री ५' नलेख्ने कागज गरेर छुटे संवाद सचिव फणिराज

त्यसपछि उनले ज्ञानेन्द्रलाई ‘श्री ५ महाराजाधिराज’ सम्बोधन गरी लेखेका विज्ञप्तिहरू आफ्नो फेसबुकबाट पनि हटाएका थिए। 

हेर्नुहोस ज्ञानेन्द्र शाहले आइतबार जारी गरेको शुभकामना सन्देश