युनिकोड
धनुषाको जनकपुरधाम उपमहानगरपालिका-२० स्थित झण्डा चोकमा हिन्दु र मुस्लिम समुदायबीच विवाद भई ढुंगामुढा भएको छ।
शनिबार गणेशको मुर्ति विसर्जनका लागि हिन्दु समुदायका करिब २५०-३०० जना सहभागीको समूह मुस्लिम बस्ती हुँदै लैजाने क्रममा विवाद उत्पन्न भएको प्रहरीले जनाएको छ।
विवाद तीव्र बन्दै गएपछि करिब ५०-६० जना मुस्लिम समुदायका व्यक्तिहरू पनि भिडमा सहभागी भएपछि दुवै पक्षबीच ढुंगामुढा भएको हो। यस घटनामा एक जना स्थानीय घाइते भएका छन्।
स्थिति नियन्त्रणमा लिन नेपाल प्रहरीको टोलीले केही राउण्ड अश्रु-ग्यास प्रहार गरेको थियो भने सशस्त्र प्रहरी बलले पनि २ वटा ग्यास सेल फायर गरेको जनाइएको छ।
थप तनाव रोक्नका लागि प्रस्तावित सीमा सुरक्षा गुल्म, जटहीबाट कमाण्डर सप्रनाउको नेतृत्वमा ७० जना सशस्त्र प्रहरी र नेपाल प्रहरीको संयुक्त टोली खटाइएको छ।
हाल क्षेत्रको स्थिति नियन्त्रणमा रहेको र थप सम्भावित झडप रोक्न सुरक्षा सतर्कता बढाइएको प्रहरीले जनाएको छ।
प्रतिक्रिया