कोरोनाः स्पेनमा तीन दिनपछि फेरि बढ्यो मृतकको संख्या, ६१९ को मृत्यु

स्पेनमा लगातार तीन दिन कोरोनाका कारण मृत्यु हुनेको संख्यामा कमी आएको थियो।

तर तीन दिनपछि त्यहाँ फेरि मृतकको संख्या बढेको देखिएको छ। गएको २४ घण्टामा स्पेनमा ६ सय १९ जनाको मृत्यु भएको हो।

स्पेनको स्वास्थ्यमन्त्रालयका अनुसार स्पेनमा ६ सय १९ जनाको मृत्यु भएसँगै त्यहाँ मृतकको संख्या १६ हजार ९७२ पुगेको छ।

स्पेनमा कोरोना संक्रमितको संख्या भने १ लाख ६६ हजार १९ पुगेको छ। स्पेन अमेरिकापछि कोरोना भाइरसबाट सबैभन्दा बढी प्रभावित राष्ट्र हो। एजेन्सी