युनिकोड
स्वास्थ्य तथा जनसंख्या मन्त्रालयले देशभर ८ हजार ५ सय ५ जनाको कोरोना परीक्षण भएको जनाएको छ। त्यस्तै मन्त्रालयले अहिलेसम्म ३ भारतीय नागरिकसहित १२ जना संक्रमित भेटिएको जनाएको छ।
मन्त्रालयका प्रवक्ता विकास देवकोटाकाअनुसार पीसीआरबाट ५ हजार १ सय ८४ जना र ¥यापिड डायगोनिस्टिक किटबाट ३ हजार २ सय २१ जनाको परीक्षण भएको हो।
त्यसमध्ये आइतबार वीरगञ्जमा ३ जनालाई कोरोना संक्रमण देखिएपछि देशभर संक्रमितको संख्या १२ पुगेको छ। यसअघि धनगढीमा ४ जना तथा बागलुङ र काठमाडौंमा २–२ जना उपचाररत छन् भने एक जना संक्रमित निको भइसकेका छन्।
शनिबार वीरगञ्जमा संक्रमित भेटिएकाहरु हाल नारायणी उप–क्षेत्रीय अस्पतालको आइसोलेसनमा उपचार गराइरहेको र उनीहरुको अवस्था सामान्य रहेको प्रवक्ता देवकोटाले बताए।
यस्तै शनिबार दार्चुलाको विभिन्न ६ स्थानमा ४ सय ६ वटा नमूना संकलन भएको र तिनको पीसीआर प्रविधिबाट परीक्षण गरिने उनले जनाए।
हाल नेपालमा संक्रमितको संख्या थप भएकाले लकडाउनको पूर्ण पालना गरी घरमै क्वारेन्टिनमा बस्न उनले अनुरोधसमेत गरे।
प्रतिक्रिया