स्कोरपियोको ठक्करबाट २५ वर्षीय ठाकुरको ज्यान गयो

सुनसरीस्थित बर्जु गाउँपालिका-१ को सुक्रबारेमा स्कोरपियोको ठक्करबाट पैदलयात्रीको ज्यान गएको छ। विराटनगरबाट चिमडीतर्फ आउँदै गरेको स्कोरपियोको ठक्करबाट शुक्रबारेकै साइकलयात्री २५ वर्षीय दीपचन ठाकुरको मृत्यु भएको हो। 

हालसम्म नम्बर नखुलेको स्कोरपियोको ठक्करबाट गम्भीर घाइते भएका उनलाई उपचारका लागि नोबेल अस्पताल विराटनगर लगिएको थियो। त्यहीँ उपचारको क्रममा उनको निधन भएको हो। ठक्करपछि फरार चालक र स्कोरपियोको खोजी जारी रहेको प्रहरीले जनाएको छ।