युनिकोड
बहराइनमा एकैपटक ९ नेपालीलाई कोरोना भाइरसकाे संक्रमण भएको छ।
योसँगै त्यहाँ कोरोना संक्रमित नेपालीको संख्या १२ पुगेको छ। यसअघि त्यहाँ ३ नेपालीलाई कोरोना संक्रमण भइसकेको छ।
बहराइनस्थित नेपाली दूतावासका अनुसार एउटै क्याम्पमा बसेका कामदारकाे नमुना परीक्षण गर्दा सबैमा कोरोना पोजिटिभ देखिएको हो। त्यस क्रममा ९ नेपालीलाई पनि कोरोना संक्रमण पुष्टि भएको हो।
त्यस क्याम्पमा अझै कति नेपाली छन् भन्ने खुलेको छैन।
शुक्रबारसम्म १२ नेपालीसहित २ सय ८६ संक्रमितको उपचार भइरहेको बहराइनको स्वास्थ्य मन्त्रालयले जनाएको छ।
प्रतिक्रिया