युनिकोड
प्रतिनिधि सभाका सांसद योगेश गौचन थकाली एसियन फोरम अफ पार्लियामेन्टेरियन्स अन पपुलेसन एन्ड डेभलपमेन्ट (एएफपीपीडी)को युवा समिति अध्यक्षमा चयन भएका छन्। थकाली नेपाली कांग्रेसका सांसद हुन्।
यही अप्रिल २७ र २८ गते मलेसियाको क्वालालम्पुरमा सम्पन्न एएफपीपीडीको महासभाबाट थकाली अध्यक्षमा चयन भएका हुन्।
एएफपीपीडी एसिया-प्रशान्त र मध्य एसियाका ३० वटा राष्ट्रिय समितिका सांसद मिलेर बनेको क्षेत्रीय सञ्जाल हो।
यसले महिला, बालबालिका, युवा र वृद्धजस्ता समूहको हितमा नीतिगत संवाद र सहकार्य प्रवर्द्धन सम्बन्धी काम गर्दै आएको छ।
सांसद थकालीले जलवायु संकटसम्बन्धी विषयलाई पनि निरन्तर प्राथमिकतामा राख्दै आएका छन्। उनले विभिन्न मञ्चमा जलवायु संकटको आवाज उठाउँदै दीगो र समावेशी नीतिको पक्षमा वकालत गर्दै आएका छन्।
अध्यक्षमा चयन भएपछि उनले युवा आवाजलाई अगाडि बढाउने, समावेशी नीति प्रवर्द्धन गर्ने, क्षेत्रीय सहकार्यलाई बलियो बनाउने र जलवायु परिवर्तनका विरूद्ध ठोस कदम चाल्ने प्रतिबद्धता व्यक्त गरेका छन्।
प्रतिक्रिया