प्रहरीसँगको झडपपछि शिक्षक महासंघको आकस्मिक बैठक

आन्दोलनरत शिक्षक महासंघको आकस्मिक बैठक जारी छ। आइतबार बानेश्वरमा भएको प्रदर्शनमा प्रहरी दमन भएपछि यसको समीक्षा गर्न महासंघको बैठक बसेको हो। 

महासंघका महासचिव तुलाबहादुर थापाले आफ्नो आन्दोलनमाथि दमनभएपछि त्यसबारे छलफल गर्न बैठक बसिरहेको जानकारी नेपालखबरलाई दिए।

महासंघले प्रहरीसँगको झडपमा ६२ जना शिक्षक घाइते भएको बताएको छ। 

निषेधित क्षेत्र तोड्न खोजेका कारण झडप भएको प्रहरीले दाबी गरेको छ भने शिक्षक महासंघले भने आफ्नो आन्दोलमा घुसपैठ भएको बताएको छ।