चीनबाट ल्याइएका स्वास्थ्य सामग्री देशका विभिन्न ठाउँमा पुर्याइएको छ। सोमबार ती सामान नेपाली सेनाले धनगढी, सुर्खेत र विराटनगरमा ढुवानी गरेको हो।
सोमबार बिहान क्लोरिन समेत बोकेर उडेको नेपाली सेनाको जहाज आकस्मिक रुपमा फर्किएको थियो।
क्लोरिनले पाइलटलाई गाह्रो भएपछि जहाज फर्किएको र पछि क्लोरिन नपठाइएको सेनाका प्रवक्ता विज्ञानदेव पाण्डले बताए।
क्लोरिन भने गाडीबाटै ढुवानी गरिने भएको छ। सेनाले चिकित्सकका लागि मास्क, पन्जा, सेनिटाइजर र व्यक्तिगत सुरक्षाका उपकरण (पीपीई) लगेको हो।
सरकारले सातै प्रदेशबाट कोरोना परीक्षणको व्यवस्था गर्ने तयारी गरिरहेकाले ती स्थानमा सामान पठाएको हो। अन्य प्रदेशमा भने गाडीमार्फत सामान पठाइएको छ।
प्रतिक्रिया