१७ वर्षपछि साधुको भेषमा भेटिए जन्मकैद सजाय तोकिएका अभियुक्त

जन्मकैद सजाय तोकिएका अपराधी १७ वर्षपछि पक्राउ परेका छन्। पर्सास्थित विन्दवासिनी गाउँपालिका-२ का ६२ वर्षीय लोकनाथ साह तेली वीरगन्जबाट पक्राउ परेका हुन्।

नेपाल प्रहरीको केन्द्रीय अनुसन्धान ब्युरो (सीआईबी)को टोलीले उनलाई पक्राउ गरेको एसपी सुधीरराज शाहीले जानकारी दिए।  

उनीमाथि २०६९ कात्तिक २४ गते सर्वोच्च अदालतले साविक मुलकी ऐन, ज्यानसम्बन्धी महलको १३(१) बमोजिम सर्वस्वसहित जन्म कैद ठहरको फैसला सुनाएको थियो।  
 
उनले २०६४  वैशाख २५ गते पर्सा साविक बहुअरवा भाठा गाविस वडा-५ बस्ने ढोडा मुखिया विनलाई जग्गासम्बन्धी विवादको विषयमा छलफल गर्ने भनी बोलाएर हत्या गरेको अनुसन्धानको क्रममा खुलेको थियो।