युनिकोड
काठमाडौँको कोटेश्वरस्थित जडीबुटी उत्पादन तथा प्रशोधन केन्द्रको कारखानामा राजावादीहरुको समूहले गरेको आगजनीका कारण ठूलो क्षति भएको छ।
शुक्रबार तीनकुने क्षेत्रबाट तितरवितर भएका राजावादीहरुले त्यस वरपरका क्षेत्रमा सार्वजनिक तथा निजी सम्पत्ति तोडफोड, लुटपाट तथा आगजनी गरेका थिए। त्यसै क्रममा जडीबुटी कारखाना पनि निशानामा परेको थियो।
आगो लगाइएका कारण भवनको अधिकांश भागमा क्षति पुगेको छ। कारखानाका सामानहरु जलेका छन्।
ग्यारेजका गाडीहरु ध्वस्त पारिएको छ। बिहान गृहमन्त्री रमेश लेखकले सुरक्षा निकायका अधिकारीहरुसँगै यस क्षेत्रको निरीक्षण गरेका छन्।
काठमाडौँ उपत्यकाका ६ वटा दमकल चार घण्टासम्म खटाएर गएराति आगो नियन्त्रणमा लिइएको थियो।
पञ्चायतमै स्थापना भएको जडीबुटी कम्पनी राजावादीले जलाए
प्रतिक्रिया