युनिकोड
सुनसरीको धरान उपमहानगरपालिका-२० मा हवाई फायर गरी लागुऔषध गाँजा ओसारपसारमा संलग्न १ जनालाई प्रहरीले पक्राउ गरेको छ।
गएराति प्रहरीले हवाई फायर गरेर धनकुटा साँगुरीगढी नगरपालिका-९ का ४३ वर्षीय हरिकुमार राईलाई नियन्त्रणमा लिएको हो।
राति १ बजे गाँजा ओसारपोसार भइरहेको भन्ने विशेष सूचना पाएपछि इलाका प्रहरी कार्यालय धरान, वडा प्रहरी कार्यालय धरान र अस्थायी प्रहरी पोस्ट जोरसखुवाबाट प्रहरीको संयुक्त टोली खटिएको थियो।
विष्णुपादुकाबाट रेल्वेतर्फ जंगलको बाटो हुँदै शंकास्पद अवस्थामा भारी बोकेर आउँदै गरेका व्यक्तिहरूलाई नियन्त्रणमा लिने क्रममा प्रहरीले ३ राउन्ड हवाई फायर गरेको हो।
तीमध्ये एकजना राईलाई मात्र पक्राउ गर्न प्रहरी सफल भएको हो।
घटनास्थलबाट प्रहरीले ९ वटा भारी बनाएर बोकेको २ सय २५ किलोग्राम गाँजा बरामद गरेको छ भने फरार व्यक्तिहरूको खोजी गरिरहेको छ।
प्रतिक्रिया