युनिकोड
नेपालखबरका फोटो पत्रकार सरोज बैजु पुरस्कृत भएका छन्।
जङ्गी अड्डामा मंगलबारदेखि आयोजित ‘नेपाली सेना फोटो तथा बृहत् प्रदर्शनी–२०८१’ को शुभारम्भका क्रममा प्रधानसेनापति अशोकराज सिग्देलले पत्रकार बैजुलाई पुरस्कृत गरेका हुन्।
सो अवसरमा नेपाली सेनाले फोटो प्रतियोगितामा उत्कृष्ट तीनजना गैरसैनिक फोटो पत्रकारलाई पुरस्कृत गरेको थियो।
गैरसैनिक फोटो पत्रकारतर्फ प्रवीन रानाभाट प्रथम, प्रतीमा राजभण्डारी द्वितीय र सरोज बैजु तृतीय तथा सैनिक फोटोग्राफरतर्फ प्राविधिक जमदार राजिव हेङ्गजु प्रथम भए। सो अवसरमा सेनाकै युनिटहरूमध्येबाट प्रथम पूर्वी पृतना हेडक्वार्टर, द्वितीय विकास निर्माण निर्देशनालय र तृतीय भएका युद्धकवच गण सम्मानित भए।
सेनाले तस्बिरको माध्यमबाट इतिहास, कला, संस्कृति र परम्पराको जगेर्ना गर्न सैनिक तथा गैरसैनिक व्यक्तिको विशेष योगदानलाई कदर गर्दै फोटो प्रतियोगिता सञ्चालन गर्दै आएको छ। रासस
प्रतिक्रिया