युनिकोड
‘अग्नीमाया जोशी समाज सेवा पुरस्कार’ रामकली खड्कालाई प्रदान गरिएको छ। शनिबार ललितपुरमा आयोजित कार्यक्रममा समाजसेवी खड्कालाई सो पुरस्कार प्रदान गरिएको हो।
खड्का पोखरा कार्यक्षेत्र बनाएर बिगत पचास वर्षदेखि समाज सेवामा सक्रिय छिन्।
२०८० मंसिर १ गते सडक दुर्घटनामा जीवन गुमाएकी अग्नीमाया जोशीका नाममा स्थापित ‘अग्निमाया जोशी समाज कल्याण पुरस्कार’ वितरण कार्यक्रम पोखरेली दिदी बहिनी समूह, काठमाडौँको आयोजनामा भएको हो।
आफ्नी धर्मपत्नीको असामयिक देहावसानपछि उनका पति श्यामशंकर जोशीले एकमुष्ठ ६ लाख रुपैयाँको अक्षयकोष स्थापना गरेका हुन्। उक्त अक्षयकोष पोखरेली दिदीबहिनी समूहले सञ्चालन गर्दै आएको छ।
कार्यक्रममा सर्वोच्च अदालतका माननीय न्यायाधीश सारंगा सुवेदीले खड्कालाई पुरस्कार रकम हस्तान्तण गरिन्।
प्रतिक्रिया