युनिकोड
मानव बेचबिखन तथा ओसारपसार मुद्दामा इन्टरपोलबाट रेड नोटिस जारी भएका फरार प्रतिवादी यूएईबाट पक्राउ परेका छन्।
रूकुम पश्चिम आठबिसकोट नगरपालिका ५ ठेगाना भएका निराजन नेपालीलाई इन्टरपोलको सहयोगमा पक्राउ गरेर नेपाल ल्याइएको प्रहरी प्रधान कार्यालयले जानकारी दिएको छ।
एनसीबी अवुधावी युएईको समन्वयमा युएईमा पक्राउ परेका उनलाई उक्त मुद्दामा कारवाही गर्न मंगलबार नेपाल फिर्ता ल्याइएको हो।
मानव बेचबिखन तथा ओसारपसार मुद्दामा संलग्न रही फरार रहेका उनलाई अन्तर्राष्ट्रिय स्तरमा खोजतलास एवम् पक्राउ गर्नको लागि नेपाल प्रहरी प्रधान कार्यालय अपराध अनुसन्धान विभाग इन्टरपोल शाखाको अनुरोधमा इन्टरपोल महासचिवालयबाट २०८१ साउन ७ गते रेड नोटिस जारी भएको थियो।
उनलाई सम्बन्धित कसूर बमोजिम कानुनी कारबाहीको लागि मानव बेचबिखन अनुसन्धान ब्यूरोबाट खटि आएका प्रहरीलाई बुझाइएको नेपाल प्रहरी प्रधान कार्यालय इन्टरपोल शाखाले जनाएको छ।
प्रतिक्रिया