युनिकोड
नेपालको ५ दिने औपचारिक भ्रमणमा आएका भारतीय सेनाध्यक्ष उपेन्द्र द्विवेदीलाई नेपाली सेनाको मुख्यालय जंगीअड्डामा सम्मान गारद प्रदान गरिएको छ। बिहीबार बिहान उनलाई नेपाली सेनाले सम्मान गारद प्रदान गरेको हो। 
त्यस्तै उनले सैनिक मञ्च टुँडिखेलमा पुगेर वीर स्मारिकामा श्रद्धाञ्जली अर्पण समेत गरेका छन्। बुधबार अपराह्न काठमाडौँ आएका द्विवेदीले आजै नेपाली समकक्षी प्रधानसेनापति अशोकराज सिग्देलसँग जंगीअड्डामा द्विपक्षीय वार्ता समेत गर्नेछन्।
उनले राष्ट्रपति रामचन्द्र पौडेलको हातबाट नेपाली सेनाको मानार्थ महारथीको दर्जा समेत प्राप्त गर्नेछन्।
प्रतिक्रिया