शुक्रबार ५६ वर्षकी सांसद फतेमा रहबरको मृत्यु भएको इरानको तास्निम समाचार संस्थाले बताएको छ।
राजधानी तेहरानको बासिन्दा उनी हालै उनी सांसद बनेकी थिइन्। कोरोनाभाइरसको संक्रमणपछि स्वासप्रस्वासमा गम्भीर समस्या देखिएपछि उनको निधन भएको बताइएको छ।
कोरोनाका कारण मृत्यु भएकी फतेमा पहिलो महिला राजनीतिज्ञ भएको जनाइएको छ। यसअघि इरानकै एक पुरुष सांसदको पनि मृत्यु भएको थियो।
हालसम्म इरानमा १ सय २४ जनाको कोरोनाका कारण मृत्यु भएको छ। यतिबेला त्यहाँ ४ हजार ७४७ जना कोरोनाबाट बिरामी परेका छन्।
प्रतिक्रिया