युनिकोड
विशेष अदालतले भ्रष्टाचारको मुद्दा लागेका सशस्त्र प्रहरी बलका चार पूर्व महानिरीक्षक (आईजीपी)लाई सफाइ दिएको छ।
सामान ढुवानीका क्रममा सशस्त्रका पूर्वप्रमुखहरु कोषराज वन्त, शैलेन्द्रकुमार श्रेष्ठ, बासुदेव ओली र सनतकुमार बस्नेतले भ्रष्टाचार गरेको आरोप लगाउँदै दायर गरिएको रिटमाथिको भएको बहसपछि विशेष अदालतले ‘आरोप स्थापित हुन नसक्ने’ भन्दै सफाइ दिएको हो।
विशेष अदालतका अध्यक्ष बाबुराम रेग्मी तथा सदस्यद्वय द्वारिकामान जोशी र प्रमोदकुमार श्रेष्ठ बैद्यको इजलासले आरोप लगाएका सबैलाई सफाइ दिएको हो।
बदनियतका साथ हकम हिनामिना गरेको आरोप लगाइएको र सो आरोप पुष्टि हुन नसक्ने फैसालामा उल्लेख छ।
अख्तियार दुरुपयोग अनुसन्धान आयोगले बलका निलम्बित महानिरीक्षक कोषराज वन्तसहित ११ जनलाई २०७२ माघ १८ गते ६ करोड ७९ लाख बिगो माग दावी गर्दै मुद्दा दायर गरेको थियो।
त्यस्तै अख्तियारले २०७२ माघ २४ गते पूर्व महानिरिक्षक शैलेन्द्र कुमार श्रेष्ठसहित ४ विरुद्ध र फागुन १६ गते पूर्व–महानिरिक्षकहरु बासुदेव ओली र सनत कुमार बस्नेतविरुद्ध पनि मुद्दा चलाएको थियो।
प्रतिक्रिया