दुई छोराहरूको कुटपिटबाट बुवाको ज्यान गयो

‍‍‍‍‍‍‍‍‍‍‍‍‍पाँचथरको कुम्मायक गाउँपालिका-१ गैरीगाउँ बस्ने ८३ वर्षीय चन्द्रमान तामाङले छोराहरूको कुटपिटबाट बुधबार बिहान ज्यान गुमाएका छन्। 

उनीमाथि कुटपिटमा संलग्न रहेको अभियोगमा उनकै छोराहरू ४५ वर्षीय घनेन्द्र तामाङ र ४० वर्षीय देवेन्द्र तामाङलाई प्रहरीले नियन्त्रणमा लिएको छ।

चन्द्रमान आफ्नै घरको सुत्ने कोठामा मृत रहेको भन्ने खबर प्राप्त हुनासाथ इलाका प्रहरी कार्यालय याशोकबाट टोली खटिएको थियो।

त्यसक्रममा घनेन्द्र र देवेन्द्रले घरायसी विषयमा कुटपिट गरेको खुलेपछि दुवै जनालाई प्रहरीले नियन्त्रणमा लिएको हो।