उत्तरी अफगानिस्तानमा भिडन्त हुँदा तीन प्रहरीसहित सात जनाको मृत्यु

जिल्लाका गभर्नर अमानुदिन कुरैसीले मारिएका व्यक्तिमध्ये चार जना विद्रोही लडाकूहरु रहेको जानकारी दिए। उनले आइतबार स्थानीय समय अनुसार बिहान ३ बजे तालिबान लडाकू समूहले किसाटोपाक क्षेत्रको सुरक्षा जाँच चौकीमा आक्रमण गरेको बताए।

भिडन्तका क्रममा तीन जना प्रहरीको मृत्यु भएको र अरु चार जना सख्त घाइते भएको गभर्नर कुरैसीले बताएका छन्। तालिबान समूहले भने उक्त घटनाका बारेमा केही बताएको छैन। रासस/सिन्ह्वा