तनहुँमा पाउदी खोलाले बगाउँदा १० वर्षीय बालकको मृत्यु

तनहुँको भानु नगरपालिका–११ मानेचोकस्थित पाउदी खोलामा पौडी खेल्ने क्रममा डुबेर एक बालकको मृत्यु भएको छ।

लमजुङको सुन्दरबजार नगरपालिका–६ अरेलुचौर बस्ने १० वर्षीय समर्पण परियारको शुक्रबार नदीमा डुबेर मृत्यु भएको जिल्ला प्रहरी कार्यालय तनहुँले जनाएको छ। 

पौडी खेल्दै गर्दा बगाएका उनको घटनास्थलमै मृत्यु भएको जिल्ला प्रहरी कार्यालय तनहुँका प्रहरी नायब उपरीक्षक मोहनबहादुर खाणले जानकारी दिए। 

बगाएको ठाउँभन्दा करिब आठसय मिटर तल बालकको शव फेला परेको थियो। रासस