युनिकोड
महोत्तरी जिल्लाको सम्सी गाउँपालिकाका लेखापाल रौशन कुमार राउत र कार्यालय सहयोगी घरिन यादव घुस रकमसहित पक्राउ परेका छन्।
उनीहरुलाई अख्तियार दुरुपयोग अनुसन्धान आयोगले बुधबार १ लाख २५ हजार रुपैयाँ घुस रकमसहित नियन्त्रणमा लिएको हो।
सम्सी गाउँपालिका वडा नं. ५ मा सञ्चालन भएको कोभिड–१९ सम्बन्धी जनचेतनामूलक कार्यक्रम सम्पन्न पश्चात उक्त कार्यक्रमको भुक्तानी दिने प्रयोजनार्थ सेवाग्राहीसँग घुस/रिसवत माग गरेको अख्तियारले जनाएको छ।
विशेष सूचना एवं उजुरी निवेदनका आधारमा आयोगको कार्यालय, बर्दिवासबाट खटिई गएको टोलीले राउत र यादवलाई सेवाग्राहीबाट एक लाख २५ हजार रुपैयाँ घुस लिइसकेको अवस्थामा गाउँपालिकाको कार्यालयबाटै नियन्त्रणमा लिएको हो।
उनीहरु उपर थप अनुसन्धान भइरहेको छ अख्तियारले जनाएको छ।
प्रतिक्रिया