युनिकोड
बुधबार राति काठमाडौं बुद्धनगरस्थित नेपाली कांग्रेसका सांसद चन्द्र भण्डारीको घरमा ग्याँस सिलिन्डर विस्फोट भयो।
विस्फोटमा भण्डारीका आमा–छोरा नै गम्भीर घाइते भए। कीर्तिपुरस्थित बर्न अस्पताल उपचारका क्रममा आमा हरिकला भण्डारीको बिहीबार निधन भइसकेको छ भने सांसद भण्डारीलाई थप उपचारका लागि भारतको मुम्बई पठाइएको छ। मुम्बईस्थित नेसनल बर्न सेन्टरमा उनको उपचार जारी छ।
यस्तै बिहीबार दाङमा पनि खाना पकाउने ग्याँस सिलिन्डर विस्फोट भयो। तुलसीपुर उपमहानगरपालिका–१६ लहलौरामा ग्याँस सिलिन्डर विस्फोट हुँदा दुईजना घाइते भएका छन्।
राष्ट्रिय विपद् जोखिम न्यूनीकरण व्यवस्थापन प्राधिकरणका अनुसार पछिल्लो ३ महिनामा ग्याँस लिकका कारण देशका ३२ ठाउँमा आगलागीका घटना भएका छन्। जसमा परी २ जनाको मृत्यु भएको छ भने १६ जना घाइते भएका छन्।
हरेकजसो घरमा ग्याँसको प्रयोग हुने हुँदा ग्याँस सिलिन्डरबाट हुन सक्ने जोखिमबारे उपभोक्ता जानकार र सचेत हुनुपर्ने देखिएको छ।
यसै क्रममा राष्ट्रिय विपद् जोखिम न्यूनीकरण व्यवस्थापन प्राधिकरणले जनचेतनाका लागि ग्याँस सिलिन्डर र चुल्होमा लागेको आगो कसरी नियन्त्रण गर्ने भन्ने विषयमा सन्देशमूलक भिडिओ बनाएको छ।
हेर्नुहोस् :
पछिल्लो ३ महिनामा ग्यास लिकका कारण भएका ३२ वटा आगलागीका घटनाबाट २ जनाको मृत्यु भएको छ भने १६ जना घाईते भएका छन् । ग्यास सिलिण्डर र चुल्होमा लागेको आगो कसरी नियन्त्रण गर्ने ? pic.twitter.com/vmDPNkT1TP
— NDRRMA (@NDRRMA_Nepal) February 16, 2023
प्रतिक्रिया