युनिकोड
काठमाडौंको बुद्धनगरस्थित एक निर्माणाधीन घरबाट बुधबार साँझ ५ बजेर ५० मिनेटमा दुईजना किशोर किशोरीले एकसाथ हामफालेका छन्।
महानगरीय प्रहरी परिसर काठमाडौंका एक अधिकारीका अनुसार उक्त निर्माणाधीन पाँच तलेघरबाट उनीहरुले एकसाथ हामफालेको खुलेको छ।
बुद्धनगरको एक घरबाट खसे दुई किशोर-किशोरी, घटनास्थल पुग्यो प्रहरी
हामफाल्ने ती किशोर किशोरीमा १३ वर्षीय अनिकेत रोय र १४ वर्षीया कृतिका जैशावाल छन्। पाँच तल्लामाथिबाट हामफालेका उनीहरुको अवस्था गम्भीर रहेको छ।
उनीहरु दुवैजना बानेश्वरस्थित पाठशाला स्कुलको कक्षा ९ का विद्यार्थी रहेको ती प्रहरी अधिकारीले बताए। दुवैजनाले हामफाल्नुको कारण खुलिनसकेको प्रहरीले जनाएको छ।
उनीहरुलाई स्थानीयबासी र प्रहरीले घटनास्थलबाट उद्धार गरेर उपचारका लागि बानेश्वरस्थित निजामती अस्पतालमा भर्ना गरिएको छ।
बुटवल पावर कम्पनी नजिकैको निर्माणाधीन घरबाट दुवैले हामफालेपछि तत्कालै स्थानीबासी पुगेका थिए। त्यसपछि प्रहरी टोली पुगेर अस्पताल पठाएको थियो।
प्रतिक्रिया