बालाजु पुग्यो बालेन्द्रको डोजर

काठमाडौं महानगरपालिकाले आजपनि अवैध घर–टहरा भत्काउने अभियानलाई निरन्तरता दिएको छ। अवैध र अनधीकृत रुपमा प्रयोग भएका बालाजु बनस्थली क्षेत्रका घर टहरा भत्काएको हो। 

महानगरपालिकाका प्रहरी प्रमुख राजु पाण्डेका अनुसार सार्वजनिक जग्गामा भएका घर टहरा भत्काइएको हो। ‘हामी बिहानैदेखि बालाजु र बनस्थली आसपासका क्षेत्रका टहराहरु भत्काइरहेका छौं,’ पाण्डेले नेपालखबरसँग भने।

महानगर प्रहरी र नेपाल प्रहरीसहितको टोलीले बनस्थली चोकमा रहेका टहरा भत्काएको हो। 

डोजर चलाउने क्रममा केही स्थनीयले विरोध गरेका थिए। तर, महानगरपालिकाले भने अवैध भएको भन्दै भत्काइदिएको छ।