सरकारी छाप किर्ते गरी मोटरसाइकलको नम्बर तथा ब्लुबुक बनाउने एक जनालाई प्रहरीले पक्राउ गरेको छ।
चितवनको साविक कल्याणपुर गाविस–६ घर भई हाल काठमाडौं माछापोखरी बस्ने वर्ष २६ को छविलाल तामाङलाई प्रहरीले पक्राउ गरेको हो।
सरकारी छाप दस्तखत किर्ते मुद्दामा १ वर्ष कैद फैसला भएका फरार कसुरदार तामाङलाई प्रहरीले रातोपुलबाट पक्राउ काठमाडौं जिल्ला अदालत मार्फत कारागार कार्यालय सुन्धारा पठाईएको जनाएको छ।
तामाङ लगायतको संलग्नतामा यातायात व्यवस्था कार्यालय विरगञ्जको छाप र शाखा अधिकृतको दस्तखत किर्ते गरी मोटरसाइकल नम्बर र ब्लुबुक समेत नक्कली बनाएका थिए।
प्रतिक्रिया