सप्तरीमा शनिबार दिउँसो दुईवटा मोटरसाइकल एक आपसमा ठोक्किँदा दुईजनाको मृत्यु भएको छ।
मृत्यु हुनेमा बा. ५६ प २५१५ नम्बरको मोटरसाईकलमा सवार झापाको शिवसतासी नगरपालिका ६ बस्ने वर्ष २२ का विवेक सापकोटा र स ५ प ८४३४ नम्बरको मोटरसाइकलमा सवार झापाकै भद्रपुर नगरपालिका ४ बस्ने वर्ष २१ का दयाराम सिंह राजवंशी रहेका छन्।
शनिबार दिउँसो पूर्व पश्चिम राजमार्ग अन्तर्गत खडक नगरपालिका ४ अमहा स्थित पूर्व तर्फ जँदै गरेको बा ५६ प २५१५ र विपरीत दिशाबाट आउँदै गरेको स ५ प ८४३४ नम्बरको मोटरसाइकल एकआपसमा ठोक्किएर दुर्घटना भएको हो।
यस्तै स ५ प ८४३४ नम्बरको मोटरसाइकलमा सवारमा जिल्ला महोत्तरी मटिहानी नगरपालिका ७ बस्ने ३५ वर्षीय चन्दन कुमार साह गम्भीर घाइते भएको सप्तरीका प्रहरी प्रवक्ता डिएसपी माधव प्रसाद काफ्लेले जानकारी दिए।
घाइते साहलाई उपचारको लागि बिराटनगरतर्फ पठाईएको घटना सम्बन्धमा थप अनुसन्धान भइरहेको डिएसपी काफ्लेले बताए।
Shares
प्रतिक्रिया