युनिकोड
खातामा रकम नभएको चेक दिएर ठगी गर्ने दुई जनालाई प्रहरीले पक्राउ गरेको छ।
पक्राउ पर्नेमा काठमाडौंका ३६ वर्षीय बिनम श्रेष्ठ र धादिङको त्रिपुरासुन्दरी गाउँपालिका–१घर भई हाल काठमाडौंकै बल्खु बस्ने वर्ष ४८ को प्रकाश श्रेष्ठ रहेका छन्।
उनीहरूले आफ्नो खातामा पर्याप्त मौज्दात रकम नभएको भन्ने जानी–जानी जाहेरवालाहरुलाई झुक्यानमा पारी बैंक अफ काठमाण्डु र सिद्धार्थ बैकको चेक काटी दिई ठगी गरेका प्रहरीले जनाएको छ।
बैंकिङ कसुरमा दोषी ठहर बिनय श्रेष्ठलाई अदालतबाट सात दिन कैद र १७ लाख ६५ हजार रुपैयाँ जरिवाना र प्रकाश श्रेष्ठलाई पाँच दिन कैद र ११ लाख ५० हजार जरिवाना ठहर भएको थियो।
प्रहरीको केन्द्रीय अनुसन्धान ब्यूरोबाट परिचालित टोलीले काठमाडौं र रुपन्देहीबाट पक्राउ गरी फैसला कार्यान्वयनको लागि काठमाडौं जिल्ला अदालतमा पेश गरेको छ।
प्रतिक्रिया