विषालु च्याउको तरकारी खाँदा बाबु-छोराकै मृत्यु

इलामको फाकफोकथुम गाउँपालिकामा जंगली च्याउको तरकारी खाँदा बाबुछोराकै मृत्यु भएको छ।

फाकफोकथुम- १ लुम्सुङवाङका ५१ वर्षीय लेखबहादुर लिम्बु र उनका १२ वर्षीय छोरा दिवस लिम्बुको विषालु च्याउको तरकारी खाँदा मृत्यु भएको जिल्ला प्रहरी कार्यालय इलामले जनाएको छ।

एक साताअघि घर नजिकैको जंगलबाट ल्याएको च्याउको तरकारी पकाएर खाँदा  उनीहरु गम्भीर बिरामी परेका थिए। समयमै उपचार नहुँदा उनीहरुको मृत्यु भएको स्थानीयले बताएका छन्। 

गम्भीर बिरामी पर्दा पनि उपचार नगरी झारफुककै भर पर्दा उनीहरुको मृत्यु भएको हो।