युनिकोड
प्रदेश १ प्रदेशसभाका सदस्यहरूलाई प्रदेशको नामकरणसम्बन्धी प्रस्ताव प्रदेशसभा सचिवसमक्ष पेस गर्ने समय १ घण्टा थपिएको छ।
यसअघि प्रदेशसभा सदस्यहरूलाई आज बिहान १० बजेदेखि दिउँसो १२ बजेसम्मको समय दिइएको थियो।
तर प्रदेश नामकरणका विषयमा छलफलका लागि सत्ताधारी दल नेकपा एमाले, नेपाली कांग्रेस र नेकपा माओवादी केन्द्रका संसदीय दलका छुट्टाछुट्टै बैठक जारी रहेकाले प्रदेशसभामा प्रदेश नामकरणको प्रस्ताव पेस गर्ने समय दिउँसो १ बजेसम्मका लागि थप गरिएको हो।
प्रदेशसभाको कार्यालयमा जारी उनीहरूको बैठकले आफ्नो दलभित्र नामकरणको प्रस्तावलाई सर्वसम्मत समर्थन गरेर जाने निर्णय गराउने बताइएको छ।
प्रतिक्रिया