मधेशका ‘हेभिवेट’ नेता हारतर्फ उन्मुख

तर, नेकपा एकिकृत समाजवादी पार्टीका अध्यक्ष एवं पूर्वप्रधानमन्त्री माधवकुमार नेपाल भने रौतहटमा ठूलो मतान्तरका साथ जीततर्फ उन्मुख भइरहेका छन्। 

रौतहट निर्वाचन क्षेत्र नम्बर १ मा नेपाल २७ हजार ५१६ मतका साथ अग्रस्थानमा छन्। उनलाई एमालेका अजयकुमार गुप्ताले २२ हजार ६ सय ७३ मतका साथ पछ्याई रहेका छन्। 

महोत्तरी–३ मा लोकतान्त्रिक समाजवादी पार्टी (लोसपा)का अध्यक्ष महन्थ ठाकुर प्रतिस्पर्धीभन्दा पछि छन्। ताजा मतपरिणाम अनुसार ठाकुरलाई जसपाका हरिनारायण यादवले पछाडी पारेका छन्। 

हरिनारायणले ७ हजार ५६० मत प्राप्त गर्दा ठाकुरले ७ हजार ४७२ मत प्राप्त गरेका छन्।
 
महोत्तरी १ मा माओवादी केन्द्रका गिरिराजमणि पोखरेललाई पनि एमालेका लक्ष्मी महतोले पछि पारेका छन्।

महतोले ९ हजार ४७२ मत प्राप्त गर्दा पोखरेलले ७ हजार ९८९ मत मात्रै पाएका छन्।

सर्लाही २ मा लोसपाका बरिष्ठ नेता राजेन्द्र महतोलाई माओवादी केन्द्रको चुनाव चिन्हमा निर्वाचन लडेका नेपाल समाजवादी पार्टीका महिन्द्र राय यादवले शुरुदेखि नै पछाडि पारिरहेका छन्। 

यो क्षेत्रको ताजा मतपरिणाम अनुसार यादवले ७ हजार १११ मत प्राप्त गर्दा महतोले ६ हजार ६६२ मत मात्रै पाएका छन्।

त्यसैगरी सर्लाही ४ मा कांग्रेसका ‘बागी’ उम्मेदवार अमरेश कुमार सिंह अग्रस्थानमा छन्। उनले ९ हजार ७ सय ७० मत प्राप्त गर्दा सत्तारुढ गठबन्धनबाट कांग्रेसका नागेन्द्र कुमार यादवले ९ हजार २९ मतका साथ उनलाई पछ्याई रहेका छन्। 

यो क्षेत्रमा स्वतन्त उम्मेदवार मधुमालाकुमारी यादवले ७ हजार ९८ मत ल्याएकी छन्। माओवादी नेता शिवपुजन रायले छोरी मधुमालालाई स्वतन्त्रमा उठाउँदा यहाँ गठबन्धका उम्मेदवार नागेन्द्रकुमार अप्ठ्यारोमा छन्।

 महोत्तरी २ मा भने लोसपाका नेता शरतसिंह भण्डारी ठूलै मतान्तरका साथ जीततर्फ उन्मुख छन्। भण्डारी ८ हजार ३०७ मतका साथ अग्रस्थानमा हुँदा एमालेका रामपरिक्षण यादवले ४ हजार २१५ मतका साथ उनलाई पछ्याइरहेका छन्।