विराटनगर : मोरङका तीन निर्वाचन क्षेत्रको मतपेटिका ओसार्न स्कुल बसदेखि टिपरसम्म प्रयोग गरिएको छ।
मोरङ क्षेत्र नम्बर ४,५ र ६ का विभिन्न मतदान केन्द्रबाट मतपेटिका ओसार्न यी सवारी साधन प्रयोगमा ल्याएको हो।
तीन निर्वाचन क्षेत्रको मतमणनास्थल रहेको विराटनगरको आदर्श माविमा मतपेटिका ल्याउन नेपाल प्रहरी, निजी विद्यालयका बसहरु र टिपर प्रयोग गरिएको थियो।
धेरैजसो मतपेटिका गणनास्थलसम्म ल्याउन निजी विद्यालयका स्कुल बस प्रयोग गरिएको छ।
मोरङ क्षेत्र नम्बर ४, ५ र ६ को मतगणना आदर्श विद्यालयमा एक निर्वाचन क्षेत्रको तीन ठाउँमा गणना गर्ने तयारी छ।
तीन निर्वाचन क्षेत्रको ९ स्थानमा मतगणना गर्ने गरि व्यवस्था मिलाइएको छ। मतगणना भने सोमबारबाट हुने जनाइएको छ।
540
Shares
प्रतिक्रिया